السبت، 17 يوليو، 2010

~-.عَنَدمَا تَبكي بِلا دَموع.-~

ماأصعب أن تبكي بلا..." دموع"



..... ماأصعب أن تبكي بلا..." دموع".

....وما أصعـــــب..أن تذهب بلا " رجوع

"......وماصعب أن تشعر "" بالضيق".

...وكأن المكان من حولك ..." يضــــــيق ".

.مااصعب ان تتكــلم بلا صـــــوت

ان تحيــى كى تنتــظر المــــــوت

مااصعب ان تشــــعر بالســـــــأم

فتــرى كل من حــــولك عــــــدم

ويسودك احســـــــاس النـــــــدم

على إثــم لا تعرفه

وذنب لم تقترفه

ما اصعب ان تشـــــعربالحــزن العميـق

وكأنه كامـنٌ فى داخــلك ألـــم عريــــق

تستـــكمل وحــدك الطــريــق

...... بلا هـــــدفٍ

... بلا شــريكٍ.

.. بلا رفيــقٍ

وتصيــر انــت و الحزن و النـدم فريــق

و تـــجد وجـــهك بين الدمــــوع غريـق

و يتحــول الأمــل البــاقى الى.... بريـق

مااصعب ان تعـــيش داخــل نفـــسك وحيـد بلا صديــــقِ.

.. بلا رفيـــــقِ.

.. بلا حبيـــبِ تشـــــعر ان الفــــرح بعـــــيد

...... تعانى من جــــرح

...لا يطــيب جـــرح عمـيق.

. جـــرح عنـيد.

.... جـــرح لا يـــداويــه طبيـــب..

.. مااصعب ان تــرى النـــور ظـــلام

مااصعب ان تـــرى السعادة اوهـام

وانت وحيــد حـــيران

الخميس، 15 يوليو، 2010

"؛".. صدفة..","

اه فديت بلوقري انا واااااااااايد احبه ..
تولهت عليه هديته من فترة ..
الله يسلمكم اليوم يابلكم موضوع اتمنى انكم تتونسون فيه ..
لانه صار اليوم.. بخليك مع الموضوع
^
^
^
^
^
^
^
^
^
^
^
^
^
^
^
^
صدفة ومن بين الناس علقني
واليوم شفته وعيني جات في عينه
حسيت شي في عيونه حلو يجذبني
لما ابتسم بانت في وجهي تلاوينه

سلم علي وجلس جنبي وكلمني
وكل الحواجز تلاشت بيني وبينه
اخذ يدي بديه وقام يوصفني
ولا تمنيت ايدي تترك ايدنه

ادري الكل مستغرب شو سالفة هاي الاغنية في الموضوع ..
بس الصراحة موقف وااايد طريف ويضحك..

اليوم الله يسلمكم كنا مخططين انا واخواتي انا نسير البحر
نسير نلعب اسكوترات..

تجهزنا وتعدلنا وركبنا السيارة وكانت الساعة حوالي 5ونص
سرنا ونحن في الدرب وصلنا ..
اجرنا ثلاث اسكوترات..انا واختي .. واخوي واختي.. واختي روحه ووحليلها..

كان السكوتر الواحد 200 درهم وللكن الريال كان يعرفنا سوالنا دسكاونت..
المهم انطلقنا ونحن مستانسين نلعوز هذا ونخرب على هذا ..

تخيلوا اليوم كنت المنقذ .. كنت ادور واحوس انا واختي الا اشوف اشوف اختي اسكوترها اخترب ههههه وحليلها لو مامريت عدالها شو بتسوي ..؟؟

الشباب هناك حيييييييييييييييييييييييييييييل يلعوزون مايخلون الشخص بحاله واختي متلعوزة معاهم ..
زين اني ييت ..

المهم جان اخلي اختي تسوق السكوتر عشان اسير اشوف اسكوتر اختي شو صار فيه ؟
نزلت وسبحت وركبت اسكوترها .. الشباب كيف كانوا يطالعون حسيتهم يتحسبوني مواااعد تخيلوا!!
ماشي فايدة جان سرت انادي الريال ..
في واحد وااااااااااااايد كان يلعوزنا يالله ماهدانا في حالنا . من صبح مااعرف يسون طريفة يطشرون ماي بشكل فظيع عادي الشخص يطيح من السكوتر..

المهم احين كانت اختي تسوق والريال كان بعده يلعوزنا .. بعدين روح الريال.. واختي من الصبح مشبتنه بشخص.

بعدين اختي وحليلها من القهر تقول اونه وينه وينه انا براويه هذا وينه؟.

سارت ورد طشر بعد ماي .. اختي عصبت المهم بعدين سوينا طاف وروحنا .. الا نشوفه هو ياي من بعيد ويا جدامنه وطشر الماي ..

^
6
^
6
^
طشر هاي المرة الماي اقوة من المرة الطافت وهاي المرة اختي الي كانت تسوق هب انا.
جان انا واختي انطير لانه السكوتر ارتفع من فوق .
ولانه نحن من الوزن الخفيف انا واختي فاختي هدت السكوتر وانا حطت معاها..

وكل شي كان يمر شوي شوي يالله الوقت ليش بطيىء؟
جان انا اطلع واسبح صوب السكوتر واختي بعدها في البحر الحمد لله ان كنا لابسين سترة النجاة
الريال الله يحفظه .. احس بشي غريب لانه لاحظ صار هدوء في المكان .. جان ايي من بعيد و جرب صوبنا وانا اقوله الله يسامحك واضحك انا كوووول..
جان اركب السكوتر يالله وين الربطة لانه بدون هاي الربطة السكوتر مايشتغل .
هو سألني وين الربطه ؟
قتله عند اختي ,
جان اختي تبغي اطلع الربطه عشان تعطيه جان يمسك ايدها ويركبها السكوتر.. واختي الله يهديها تضحك وتعدل عمرها بسرعة بسرعة تعرفون البنات بعد لازم يطلعون بأحلى حله.. هههههه .
وعطاني الربطة واختي بعدها ويا الريال . سرنا صوب الشاطىء ونزل اختي وركبت معاي ..
وقبل لايسير بعد طشر علينا .. ههه شو ها مايتوب ..

كملنا ونحن مستانسين مدري ليش .. ؟؟
وقمنا نحوووط وجي كملنا..
بعدين قلت انا بسير عنده عشان يعلمني ..
سرت صوبه واختي وياي.. هاي المرة انا كنت اسوق
قتله علمني كيف اطشر الماي نفسكم .
قال لاتسوي هاي الحركة واحد وياك .
خذيت لفة ورحت ورديت .. تمت اسولف وياها. كان يتحسبنا من بحرين لانه سألني انتوا من بحرين ؟
طبعا لا نحن من الامارات .
ودار حوار لطيف بينا
وجي كل ماأسأله ويجواب .. يقول واختك ؟ واختك؟
قهرني..
بس الحمد لله كان انسان محترم ..
لانه غيرهم والله يطيحونك ويخلونك. ولايفتكرون.
كان انسان حبوب.
طلعت انا اعرف عيال خالته .. وجي
بس لحد الحين حاس بتأنيب الضمير ليش قتله ان نحن ساكنين في مكان اصلا ماساكنين فيه..ههههه وحليلي جذبت..
وسلمت عليه وروحنا ..
الله يحفظه..
اما اختي هيمانه .. وااااايد مستحية .. واختي الثانية تقول اهه ياريت لو انا صار لي جي ..

فقلت هاي الاغنية هي طبق الاصل عن الي صار..

ههههههه
اتمنى االي صار نال اعجابكم.
مودتي~