الأحد، 20 يونيو، 2010

-.=.- مــقابلــــ’ة-.=.-

~.بسم الله الرحمن الرحيم.~
-.) ., سلام عليكم ورحمة الله وبركاته.,(.-

- اليوم الله يسلمكم كان مثير للاشمئزاز كرهت فيه عمري وللمكان الي سرته له, انا ناوي اغير مدرستي وانتقل لمدرسة الثانية .. طبعا قدمت للمدرسة الثانية وااايد كنت متحمس واللكل مدحلي اياها .

وقدمت اوراقي وكل المطلوب, وخبرونا متى راح يكون امتحان القبول .. كان الامتحان 15-5 الشهر الي مضى وكان الامتحان حيييل سهل وهم الانجليزي والرياضيات .. وقالوا راح يطرشون مسج اذا انا انقبلت ولالا ., بعد مرور شهر على الامتحان وصلي مسج ومن وصل المسج قلبي ناغزني واقول ف قلبي خالد شو الي خلاك تقدم , بتقولون بمقدورك انك تطلع , بس لللاسف مااقدر انا كنت اذل امي وابوي عشان يخلوني , واخر شي خلوني اني اقدم , وانا ترددت اكثر يوم ربعي ماانقبلوا .. واايد صرت حزين . , بس بعدين قلت لاتفكر في الموضوع ونسيته.

و امس اتصلوا في ابوي لانه شي مقابلة يبغون يقابلوني . كنت عادي بس رديت دخلت المكان يالي نفس الشعور الي يالي اول مرة واقول في قلبي خلود انت مكانك هب هني شو الي خلاك وتستهر وتدخل المكان .*. المهم دخلت عطونا اوراق نملي البيانات .
ودخلت مقابلتي لازم تكون الساعة 10:00Am >> تمر الدقايق الا ارد اشوف الساعة الا الساعة 11:00. لاحول ولاقوة الا بالله .. صبرت بعد نص ساعة دخلنا .. عاد اووووف*2.
نطرت ساعة ونص ثانيات عشان المقابلة الاولى .. ونادوا اسمي ودخلت.. بدأ يسألني شو اسمك وصق كم ؟.. وعطاني فقرة بالعربي اقراها واعربها *3. وبعدين سألني عن هواياتي . والله كرة السلة واحب اقرا كتب واسمع اغاني ..اووووووب اهني قلت بنفسي خلود ليش قلت جي .. لوول . قالي : شو حكم سماع الاغاني؟ .. انا ومنحرج .. حرام .
تصلي؟ نعم ... تحفظ قران:؟ نعم ... كيف تقدر تجمع بين القران والاغاني .. انحجرحت ومارديت عليه . وقال : خلاص توكل على الله واطلع .

طلعت وانا قلبي ماكلني . تميت انطر انطر اتمسر ساعتين انتظر المقابلة الثانية حشى .. وانا في ذاك الوقت .. قلت في نفسي خلود حبيبي اطلع .. واذا ابوك سألك وقال خلصت ؟ رد عليه : هي يبا خلصت يللا نروح.. بس قلت تمالك عمري واصبر .. وصبرت .. وفرجها رب العالمين ونادوا اسمي اخيرا .. المقابلة الثانية كانت بالانجليزي كاااان سهل .. بس كنت واايد اتلخبط من التوتر .. قال متى انولدت. قتله: in 1969 هي وهو يطالعوني من فوق لين تحت oh my god u older than me !! . انا: what|? >
no no no i mean in 1996 . قال : oh thanks god .

طبعا كان شي واايد اساله .. وانا طالع شوي واطيح على الارض
ورديت من البيت وانا حييييييييييييييييييل ميتتت من اليوع لافطور ولاغدى من الصبح لحد الساعة 4:20pm. . رديت البيت تغديت صليت نمت.!! ..
السموحة طولت عليكم ^^

*: المكان حلوو وراقي بس مارتحت للمكان .
*2: استغفر الله من كلمة اووف .
*3: اكره شي بالعربي عندي هو الاعراب


هناك 4 تعليقات:

  1. ما بعد التعب إلا الراحة
    ولا توسوس ولا شي، دائمًا كل شي يديد علينا نتخوف منه وما نرتاحله بالأول، بعدين يمشي الموضوع..
    ضحكتني لما قلتلهم مواليد 69 خخخ عادي تصير وايد..
    موفق يارب..

    ردحذف
  2. هههه . كان فشلة . اذا كان خير ربي يقدملي اذا شر يارب الله يبعدني عنه. وربي يوفقك ويوفق الجميع

    ردحذف
  3. هههههههه
    1969 بدعت عاد تصدق اختي الصغيره
    كبرك و غلطت مره نفس الغلطه شبحآن الله :)

    مواليد 96 يبون يكبرون روحهم ،
    ربي يوفقك و يحقق حلمك الكبير.

    تحياتي
    ساره

    ردحذف
  4. إنشاء الله خير يارب .. شو إنقبلت أو لا ؟؟

    ردحذف

قل ما في داخلك