.,"*فضفضة *",.

سلام عليكم

شلونكم ؟؟ علومكم؟؟

أممم أدري أدري أشتقتولي ^^ لووول

مأأعرف شو أقول ؟!!

الصراحة أولا أنا متعقد من مدونتي أحاول أحطي صور بس مايصير كل ماأسوي رسالة جديدة أضغط على مالصورة الموجودة في مدونة كل شخص مايصير ماأعرف ليش ؟ ...

الي يقدر يفيديني لايبخل علي بليييييييييييييييز

---------------------------------------------------------------------------------------

طبعا أنا متلعوز مع مع لاب توبي اليديد وندمت أن أشتريته "Mac book pro" .. 'طبعا كل ماتبغي تنزل برنامج لازم تشتري السي دي والاسعار حيل ضاربة بحيث انه السي دي للاستخدام الواحد يوصل ١٠٠٠ درهم عادي ..

بس طبعا بعد مانزلت البرامج بس يوم أشتغل عليهم وأخلص شغلي أطرش حق المعلم مايشتغل عنده .. فأضطر أعيد وأرتب شغلي على لاب توب عادي..

كرهتك يا ماك بوك

بس قاعد أدون على الماك لوووول .. حبيبي لاب توبي والله .. أستغنى عنه ^^

----------------------------------------------------------------------------------------------------------------

طبعا من أسبوع .. كرموني في الطابور .. حيل أستانست لاني مأتوقعت لووووول .. والهدية كانت ماوس للاب توب . وعلى لوني المفضل وهو " الاخضر" .. وشكله نفس البيضة .. خخخ

أنا صورته ودي أنزله بس مايصير عن نفس المشكلة الي قتلك في بداية المدونة .

ـــ-----------------------------------------------------------------------------------------------------------------

أمممم طبعا أنا على الشهر الطاف سافرت الكويت .. عشان أم حروبي لآن كان عندها للقاء في قناة الراي . برنامج (رايكم شباب).. وحيل استانست بالكويت ... ,حاب أشكر الاستاد " أحمد الحيدر" .. لانه الصراحة ماقصر, أكرمنا وزود .. تحياتي لك ..

وحاب أشكر كل شخص كويتي , لاني حبيتهم واااااااايد , طيبين حيل ومحترمين فديتهم والله على قلبي أهل الكويت ..

وأن شاء الله أدا مشكلة الصور تعالجت ,, بنزل بوست عن الكويت ^^

-----------------------------------------------------------------------------------------------------------------------------

الاسابيع الطافت كانت من أتعب الاسابيع .. متطلباتهم كثرت ." مشاريع - بحوث- تقارير- خطة مشاريع- " ولوووية لاصارت ولا أستوت

طبعا , اأنا قبل كنت أرد من المدرسة أرتاح وكل شي أسويه براحة وبدون خوف , مرتب جدولي وأمشي عليه ..

أما الحين لاحول ولاقوة الا بالله ,, لو سويت جدول ماأقدر ألتزم فيه , لانه حيل متعب .. يعني قبل كنت أخصص ساعتين لمداكرة كل المواد , الحين أربع ساعات ماتكفيني عشان أخلص مادة وحدة ...

طبعا الامتحانات الحمد لله ... زينة وننتظر النتائج ..

وأما عن أمتحان اللغة العربية ,, حدث ولا حرج ..

+

أممتحنا اليوم امتحان العربي .. قسمنا الاستاد عن أربع صفوف .. والامتحان عبارة عن " تعبير+ أمتحان القواعد والقراءة = فالي صار أنه الصف الاول والثالث حصلوا ورقة التعبير ومدة التعبير ٢٥ دقيقة .

والصف الثاني ولرابع حصلوا على أمتحان القواعد والنحو. والمدة ٢٥ دقيقة ..

ليش الاستاد سوة جدا ؟؟

عشان يمنع الطلاب من الغش .. قلنا ماعليه وأمرنا لله ..

بس الصدمة كانت , أن أمتحان القواعد والقراء مكونة من ٣ صفحات !!! وكل صفحة أطول من الثانية ..

فمعظم الطلاب ماكملوا حتى نصف صفحة ..

انا حاولت أخلص بقد مأقدر عشان أكون حال كل شي ..

بعد الامتحان سرنا عند المدير , نشتكي والصدمة كان في صفين بعد يشتكون على الاستاد بسبب الامتحان .

وللعلم هاي مو الشكوة الاولي عليه , اشتكينا عليه قبل لانه أستاد مايفهم الدروس للطلاب والحين ماعرف شو بيسوون ؟؟!!.

--------------------------------------------------------------------------------

طبعا, عدد الطلاب في المدارس شوي شوي بدأ يقل , لانه أمتحانات الفصل على الابواب ..

بحيث الثانوية العامة يبدون الامتحانات تاريخ ٤-١٢-٢٠١١

أما نحن من طلاب الحادي عشر والعاشر فبنبدأ الامتحانات ٧-١٢-٢٠١١

فالله كريم ,وان شاء الله الامتحانات تكون سهلة ,

فطبعا أنا قررت أبدا المداكرة من يوم الثلاثاء , وراح أرتب جدولي وبنشوف اأن شاء الله .

----------------------------------------------------------------------------------

طبعا بعد الامتحانات أن شاء الله ادا الله كتب راح " أتزوج"

هيه بلاكم بتزوج ..

شو فيكم " حرام واحد يتزوج وهو بهالعمر ؟؟

كيفي بتزوج يعني بتزوج خلاص قرار نهائي

وبنت الحلال موجودة ,

شو يصبرني ؟

خخخخخ

أمزح أمزح بعدني على الزواج ..

طبعا أن شاء الله ناوي أسافر ,, بين عدة بلدان وهي ( يونان- أسبانيا - أيطاليا - ماليزيا- لبنان- تركيا )

طبعا كنسلنا يونان وأسبانيا لانه ماينفع حسيته , لان يونان في أزمة ومشاكل .

وأسبانيا غالية ,, فنسيت موضوعها ..

أستقريت على ماليزيا .. بس صار زلزال فيها ف غيرت غيرت راي..

لبنان ودي أسيرها بس ماأعرف ليش مابسيرها .

فققرت (لتركيا) أن شاء الله .. لمدة عشر أيام ..

أنا زاير تركيا من قبل

وعدة أماكن وراح انزل بوست بالصور بس بعد ماأحل ...... أنتوا كملوا عااااد . تبعت وانا أقولكم لووول

بس أدا اي حد عنده معلومة لا يبخل دخليه ,, فديتكم والله .

-----------------------------------------------------------------------

تصدقون تعبت !!

---------------------------------------------------------------------------

طبعا أنا عندي بلاك بيري الهاتف الغبي , أقصد الدكي , لوووول

بس الحين ناوي أغيره

وقاعد أفكر " أي فون " ..

اي حد عنده أي فون يفيديني بالمميزات والمواصفات والفرق بينه وبين البلاك بيري.

-------------------------------------------------------------------------------

أمممم أنا تعبت وأيدي عورتني عشان كله أنزل البوست ..

فبخليكم الحينه , وانتظروني في الفضفضة "١"

فديتكم .